Kangaatsiaq
Kangaatsiaq kommune avannaani Aasiaat eqqaanni inissisimavoq, nunaqarfiilu sisamaasut ilanngukkaanni katillugit 1482-inik inoqarpoq. Kangaatsiaq kommuneni inuusunnersaavoq 1986-mi kommune-ngormat, 600-t missaanniillu inoqarluni.
Innuttaasut sinneri 900-t missaanniittut nunaqarfinni Attu, Niaqornaarsuk, Ikerasaarsuk, Iginniarfimmilu agguataaqqapput, Niaqornaarsullu inuttunersaalluni 321-nik, minnersaallunilu Iginniarfik 97-inik inoqartoq.
Aalisarneq piniarnerlu Kangaatsiap kommuneani inuutissarsiutit pingaarnersaraat, bundgarn-imik aalisartoqartarluni, aammattaaq assagiarsunnik. Takornariaqartitsineq pilersaarusiorneqaleruttorneqarpoq. Ukiukkut upernaakkullu ullut sisamat atorlugit Kangerlussuarmut qimussertoqarsinnaasarpoq.
Kangaatsiami innuttaasut sunngiffimminni aamma timersorluarsinnaapput, Kangaatsiap 2003-mi timersortarfeerartaarneratigut. Kangaatsiaq komune-ngornikuungaluarluni napparsimaveqarnerup tungaasigut Aasianniit sullinneqarpoq.